Leikskólinn Námsskráin
| Námsskráin |
 |
 |
 |
|
Leikskólinn Sólvellir Grundarfirði
Námskrá 2008
Efnisyfirlit
Inngangur ............................................................................................. 4 Lög um leikskóla................................................................................. 5 Aðalnámskrá leikskóla ......................................................................... 6Leikskólastarf - lífsleikni ..................................................................... 7 Leikskólanám ....................................................................................... 7Leikurinn .............................................................................................. 10 Saga Leikskólans Sólvalla .................................................................... 12 Yfirstjórn leikskólamála í Grundarfirði................................................ 16 Leikskólinn Sólvellir ........................................................................... 17Sos í leikskólanum ........................................................................... 18 Námsþættir ............................................................................. 20 Málörvun......................................................................................................... 20 Hreyfing ......................................................................................................... 22 Myndsköpun .................................................................................................. 23 Tónlist ............................................................................................................. 24 Náttúra og umhverfi...................................................................................... 24 Menning og samfélag..................................................................................... 26 Velkomin í leikskólann........................................................................ 30 Aðlögun í leikskólann.......................................................................... 31 Aðlögun erlendra barna........................................................................ 32 Að færast á milli deilda ....................................................................... 33 Dagskipulag ........................................................................................ 34 Dagskipulegir þættir ........................................................................... 35 Að koma og fara ......................................................................................... 35 Að klæða sig í og úr..................................................................................... 35 Borðhald ...................................................................................................... 36 Svefn og hvíld................................................................................................ 37 Hreinlæti ........................................................................................................ 37 Frágangur og snyrtimennska........................................................................ 37 Samverustund ................................................................................................ 38 Söngstund ................................................................................................ 38 Leikfangadagur .............................................................................................. 38 Könnunarleikur .............................................................................................. 39 Vinnustund ................................................................................................ 40 Hreyfistund .......................................................................................... 41 Frjáls leikur á svæðum og val......................................................................... 42 Útivera........................................................................................................... 43 Elstubarnastund ........................................................................................... 43 Elstubarnaferð ...................................................................................... 44 Útskrift ............................................................................................... 44 Sérkennsla ....................................................................................... 45 Nöfn í leikskólanum ............................................................................ 46 Ferlimöppur ....................................................................................... 48
Foreldrasamstarf .................................................................................. 51 Mat á leikskólastarfi ............................................................................. 52 Samstarf við ýmsa í sveitarfélaginu ....................................................... 52 Rýmingaráætlun ....................................................... ............. ............. 55 Skóladagatal ............................ ............. ............. .. ............. ............. 57 Ýmsar hagnýtar upplýsingar ................................................................. 57 Starfsmenn ............................................................................................. 59 Áfallahjálp ............................................................................................. 63 Lokaorð ................................................................................................ 68
Inngangur
Grundvöllur að starfsemi Leikskólans Sólvalla er Aðalnámskrá leikskóla gefin út af menntamálaráðuneytinu árið 1999. Í henni segir að hver leikskóli skuli gera sína eigin námskrá. Í fyrstu grein laga um leikskóla nr. 90/2008 segir að leikskólinn sé fyrsta skólastig barnsins og að leikskólauppeldið sé viðbót við það uppeldi sem börnin fá á heimilum. Markmið starfsins í leikskólanum er að vinna metnaðarfullt starf sem skilar sjálfstæðum, ábyrgum og lífsglöðum einstaklingum út í lífið. Námskráin er mikilvægur áfangi í stefnumótun leikskólans. Markmið með námskrá er að skipuleggja uppeldi og nám barnanna, að stuðla að skilvirkara starfi og að gera leikskólastarfið sýnilegt. Með námskránni gerum við foreldrum og öðrum kleift að vita hvað við erum að gera í leikskólanum og hvernig það er gert. Henni er ætlað að nýtast til gagnrýnnar endurskoðunar og endurmats í starfi. Námskrá er aldrei fullgerð, því alltaf má gera betur. Það sem við höfum á stefnuskrá er að enduskoða hana í byrjun hvers skólaárs og gera á henni þær breytingar sem þörf er á. Námskrá Leikskólans Sólvalla var fyrst gefin út 2003. Hún var endurskoðuð og endurbætt og síðan gefin aftur út í janúar 2006 og er þetta því þriðja útgáfa núna í apríl 2008.
Lög um leikskóla Leikskólinn er fyrsti skóli barnsins, fyrsta skólastigið í menntakerfinu. Í leikskóla fer fram uppeldi og menntun barna á leikskólaaldri. Orðið menntun er notað í víðri merkingu, það er uppeldi, umönnun, nám og kennsla. Leikskólastarf á Íslandi byggir á lögum um leikskóla og reglugerð með þeim og Aðalnámskrá leikskóla sem menntamálaráðuneytið gefur út.
Samkvæmt meginmarkmiðum laga á leikskólinn:
Í lögum um leikskóla kemur einnig fram:
Reglugerð um starfsemi leikskólaReglugerð um starfsemi leikskóla tekur til ýmissa ákvæða er varða:
Samanber reglugerð um starfsemi leikskóla n.r. 225/1995
Aðalnámskrá leikskólaMenntamálaráðuneytið gefur út Aðalnámskrá leikskóla. Hún er fagleg stefnumörkun og lýsir sameiginlegum markmiðum og kröfum sem eiga við um allt leikskólastarf. Hún inniheldur hugmyndafræði leikskóla, markmið og leiðir. Aðalnámskrá er ákveðinn rammi um leikskólastarfið og undirstaða frekari skólanámskrárgerðar. Í Aðalnámskrá leikskóla er lögð áhersla á að efla alhliða þroska barnsins, heilbrigða lífshætti og lífsviðhorf, lífsleikni og sjálfstraust þess. Í leikskóla skal barnið ávallt vera í brennidepli og gert er ráð fyrir að barnið sé hæfileikaríkur og getumikill einstaklingur sem kann, getur og vill.
Lög um leikskóla, Reglugerð um starfsemi leikskóla og Aðalnámskrá leikskóla er að finna á netinu: http://menntamalaraduneyti.is/
Leikskólastarf - lífsleikni Leikskólastarfið fléttast saman af fjölbreyttum námssviðum, námsþáttum, daglegu lífi og leik barnsins. Í leikskólanum er barnið í brennidepli og starfshættir taka mið af þroska og þörfum hvers einstaklings. Til þess að svo megi verða er leikskólastarfinu skipt í ýmiskonar leik- náms- og samverustundir bæði inni og úti. Með lífsleikni er átt við hæfni til að takast á við lífið sjálft. Segja má að leikskólanámið sé í raun samfellt lífsleikninám. Til að öðlast lífsleikni þarf barnið að læra umburðarlyndi í samskiptum sínum og samneyti við aðra, læra að bera virðingu fyrir ólíku atgervi, skoðunum og menningu. Vinátta og samkennd er dýrmætt veganesti og góður undirbúningur undir virka þátttöku í félagslífi og samstarfi síðar í lífinu. Barnið þarf að tileinka sér lífsgildi, reglur, venjur og hefðir sem ríkja heima, í leikskólanum og í samfélaginu í heild. Í leikskólanum er frumkvæði barnanna eflt og styrkt, þannig verða þau hæfari til að takast á við líf og starf í lýðræðissamfélagi. Þau eiga að taka þátt í ákvörðunum sem varða líf þeirra og leik eftir því sem aldur og þroski leyfa. Í leikskóla á barnið að fá tækifæri til að læra að leysa deilur á jákvæðan og friðsamlegan hátt og læra að gleðjast með öðrum og lifa í sátt við sjálft sig og umhverfi sitt.
Leikskólanám Leikskólastarf og leikskólauppeldi byggir á sérstökum uppeldisaðferðum og sérstakri grundvallarhugmyndarfræði. Þeir sem vinna að leikskólauppeldi sækja hugmyndir til kenninga og rita ýmissa heimspekinga og uppeldisfrömuða. Í leikskólauppeldi er leikurinn leiðandi hugtak. Fræðimenn eru sammála um að leikurinn sé helsta náms- og þroskaleið barna og rannsóknir sýna að lítil börn læra og þroskast best í leik. Leikurinn er hornsteinn leikskólastarfsins og er jafnframt helsta kennsluaðferð leikskólakennarans. Leikskólauppeldi er annars konar uppeldi en það sem foreldrar veita og er mikilvæg viðbót við það. Foreldrar eru óumdeilanlega aðaluppalendur barna sinna og bera meginábyrgð á uppeldi þeirra. Uppeldi og menntun leikskólabarna er samvinnuverkefni allra kennara í leikskólanum. Þar sem þeir leggjast á eitt um að skapa börnunum gott, hlýlegt, forvitnilegt og fræðandi uppeldisumhverfi. Í leikskólastarfi fléttast saman á ýmsan hátt hugtökin leikur -vinna- nám. Börn í leikskóla læra fyrst og fremst í leik og daglegu starfi við eðlilegar áþreifanlega aðstæður. Líkamleg og andleg umönnun er forsenda þess að börn öðlist öryggiskennd og geti dafnað og lært af umhverfi sínu. Börnin þurfa að njóta sín sem einstaklingar, en jafnframt að læra að vinna saman, eignast vini og öðlast heilbrigða samkennd. Skipulag og búnaður leikskóla á að stuðla að því að vekja forvitni barnanna, efla sjálfstæði þeirra, frumkvæði, virkni, áhuga og gleði. Leikskólanám á að efla alhliða þroska barna, þ.e.a.s. efla mikilvægustu þroskaþætti sem samtvinnast hjá barninu. Þessir meginþættir og samspil þeirra varða líkamsvöxt, hreyfifærni, tilfinningalíf, vitsmuni, félagsvitund, félagshæfni, fegurðarskyn og sköpunarhæfni, siðgæði og lífsviðhorf barnanna. Í leikskólastarfi er barnið í brennidepli og starfshættir eiga að taka mið af þroska og þörfum hvers barns. Leikskólanám er samþætt nám þar sem námssvið og námsþættir fléttast inn í daglegt líf og leik barnsins.
Leikurinn í allri sinni fjölbreytni er kjarninn í uppeldisstarfi allra leikskóla. Leikskólakennarar þekkja leik barna, þeir virða leikinn, hlúa að honum, gefa honum rými og skipuleggja leikumhverfi barnanna. Fullorðnir og börn eru hluti af því umhverfi. Leikskólafræðingar leggja áherslu á mikilvægi leiksins sem náms- og þroskaleiðar. Hinn frjálsi sjálfsprottni leikur er æðstur allra leikja. Margs konar upplifanir barnsins, svo og dagleg störf fullorðna fólksins, glæða leik barnanna lífi og innihaldi.
Leikskólanám er samþætt nám þar sem barnið er að læra allan tímann við mismunandi aðstæður. Leikskólakennarar nota þau tækifæri sem gefast til að örva nám barnanna, t.d. í matartímum, fataherbergi og á snyrtingu. Umönnun og daglegar venjur eru stór hluti af leikskólastarfinu. Umönnun er fólgin í því að annast börnin líkamlega og andlega af hlýju, áhuga og ábyrgðarkennd. Með slíkri umönnun skapast tilfinningatengsl og trúnaðartraust.
Hæfni til samskipta er grundvöllur þess að lifa, starfa og leika sér með öðrum í sátt og samlyndi. Leikskólakennarar stuðla að því að öll börn njóti sín í samskiptum og læri að taka tillit til annarra. Sjálfsmynd barna mótast hvað mest í samskiptum við annað fólk, bæði fullorðna og börn. Samvinna, samkennd, tillitssemi og ábyrgðartilfinning eru mikilvægir þættir í félagsþroska barna. Leikskólakennarar eru fyrirmyndir barnanna í orði og athöfnum.
Að skynja, skilja og skapa er hæfni sem börn verða að þróa með sér. Allt skipulag og búnaður í leikskólanum á að stuðla að því að vekja forvitni barnanna, frumkvæði, virkni, áhuga, gleði og efla sjálfstæði þeirra. Leikskólakennarar hvetja börnin til að spyrja spurninga og velta fyrir sér lífinu og tilverunni. Þeir skapa einnig aðstæður til tjáningar og sköpunar í leik, máli, myndlist, tónlist, leiklist, hreyfingu og dansi. Þannig gefst börnunum tækifæri til að skynja umhverfi sitt, vinna með fjölbreyttan efnivið og öðlast margháttaða reynslu.
Leikurinn Leikurinn er hornsteinn leikskólastarfsins, hann er kennsluaðferð kennarans og námsleið barnsins. Í bernsku er það að leika sér það sama og að læra og afla sér þekkingar. Hinn frjálsi og sjálfsprottni leikur barnsins er talinn „leikur leikjanna". Í frjálsum leik er barnið að skapa leikinn úr eigin hugarheimi, það tekur ákvarðanir á eigin forsendum og lærir að leita lausna. Í leik er barnið einbeitt og það er upptekið af augnablikinu. Fjölþætt upplifun elur af sér þekkingu, nýjar tilfinningar, nýjar athafnir og leikni.
Saga leikskólans Sólvalla Áður en leikskóli var settur á stofn í Grundarfirði var rekin gæsluvöllur fyrir börn undir skólaaldri. Það voru kvenfélagið „Gleym mér ei" og Eyrarsveit sem ráku völlinn á sumrin á árunum 1966-1979. Leikvöllurinn var byggður árið 1963 og var á opna svæðinu á milli Grundargötu, Hlíðarvegs og Borgarbrautar í Grafarnesi (nú oftast nefnt þríhyrningur). Síðan var það árið 1974 að nokkrar konur í Grundarfirði komu saman og ákváðu að kanna viðhorf sveitarfélagsins og vinnuveitenda til leikskólareksturs, sem þær og gerðu. Ekki var mikill áhugi fyrir hendi hjá forystumönnum sveitarfélagsins eða atvinnurekendum og meðal annars sagði einn þeirra „elskurnar mínar hjá mér eru allar konur komnar úr barneign", og fór málið ekki lengra í bili. Það næsta sem gerðist var að Rauðakrossdeildin í Grundarfirði réðst í verkefnið „Leikskóli" árið 1976. Fyrst var gerð könnun hjá foreldrum. Sýndi hún að það voru foreldrar 65 barna sem höfðu áhuga og gátu hugsað sér að nýta þjónustu leikskóla. Þá var farið að kanna það húsnæði sem hægt var að fá og þótti ónotaður stór gangur í Grunnskólanum hentugastur og var ákveðið að hefjast þar handa við lagfæringar. Sjálfboðaliðar á vegum Rauðakrossdeildarinnar hreinsuðu og máluðu húsnæðið. Starfshópur á vegum deildarinnar bjó til leikföng og fleira, Rauðikrossinn gaf leikföng, húsgögn og fleira, Kvenfélagið gaf borð og stóla. Leikskólinn var svo opnaður 4. Janúar 1977 og var þá ein deild fyrir hádegi og önnur eftir hádegi með 20 dvalarrýmum hvor. Fyrstu árin var deildin fyrir hádegi ekki fullnýtt en á deildinni eftir hádegi varð fljótt til biðlisti. Í maí árið 1979 kom upp eldur í Grunnskólanum og skemmdist þá mikið af eigum leikskólans og var starfsemi hætt þar enda var þá hafin bygging leikskóla við Sólvelli. Það var árið 1976 að ákveðið var að byggja leikskóla á Sólvöllum 1 og voru það Rauðakrossdeildin og sveitarfélagið sem stóðu að byggingunni. Valin var bygging frá Einingarhúsum á Siglufirði, sem reistu húsið. Í húsinu var ein deild 42 börn (21 barn í einu), starfsmannaaðstaða (skrifstofa, kaffistofa, salerni og geymsla). Framlag Rauðakrossdeildarinnar fólst að mestu í sjálfboðavinnu sem félagar inntu af hendi (málningarvinna og annað). Þann 15 nóvember árið 1979 var Leikskólinn Sólvellir svo formlega opnaður. Í janúar - júní 1990 var rekin Útideild við leikskólann og var hún staðsett á loftinu í Samkomuhúsinu og voru þar 10 börn og tveir starfsmenn. Útileikvöllur var nýttur með leikskólanum. Árið 1990 var komin af stað umræða um nauðsyn þess að stækka leikskólann og hófst bygging stækkunar 1991 og var hún tekin í notkun í mars 1992 en vígð þann 17. júní. Ráðgjafi sveitarstjórnar við stækkunina og Útideildina var Selma Dóra Þorsteinsdóttir þáverandi formaður Fóstrufélags Íslands. En starfsfólk leikskólans ásamt leikskólastarfsfólki í Ólafsvík og Hellissandi hafði sótt námskeið í leikskólauppeldi hjá henni og Sesselju Hauksdóttur á árunum 1988-89. Frá september 1992 hefur verið boðið upp á sveigjanlegan dvalartíma í leikskólanum og mat í hádeginu Árið 1999 var orðið ljóst að leikskólinn væri of lítill vegna fjölgunar barna í Grundarfirði og eins vegna aukins dvalartíma hjá hverju barni, starfsmannaaðstaða var léleg og eldhúsaðstaða þröng. Leikskólastjórar gerðu þarfagreiningu á stækkun leikskólans og komu með tillögur að viðbyggingu eða nýjum leikskóla. Ákvörðun bæjarstjórnar í nóvember 2000 var sú að byggja við leikskólann þar sem það væri aðkallandi þörf á því og nýbygging tæki lengri tíma. Með viðbyggingu var ákveðið að bæta starfsmannaðstöðu, eldhús og fataherbergi. Einnig var gert ráð fyrir fjölgun nemenda. Í samstarfssamningi meirihluta í bæjarstjórn eftir kosningar var ákveðið að halda sig við það að byggja við leikskólann eigi síðar en 2004. Var valið í byggingarnefnd. Tveir fulltrúar úr meirihluta og einn fulltrúi úr minnihluta voru í nefndinni ásamt byggingarfulltrúa og leikskólastjórum. Hóf sú nefnd strax störf þá um haustið og var grunnhugmynd að viðbyggingu upp á 132 m2 tilbúin 2003. Vegna verkefnastöðu í sveitarfélaginu var ákvörðun tekin í desember 2003 að fresta útboði á viðbyggingu til ársins 2005. Þar sem Fjölbrautaskóli Snæfellinga var byggður og leit út fyrir fjölgun í byggðalaginu var ákveðið að bæta við þannig að viðbyggingin yrði 171,6 m2 til að koma til móts við ef fjölgun yrði í bænum. Viðbyggingin var boðin út í júní 2005 og var tilbúin í ágúst 2006. Þá varð Leikskólinn Sólvellir 440,6 m2. Viðbyggingin var vígð 7. september 2006. Þegar leikskóli var stofnaður í Grundarfirði skiptu tvær fóstrur Guðbjörg Guðmundsdóttir og Hjördís Vilhjálmsdóttir með sér forstöðumannastöðunni fyrstu árin, ýmist önnur eða báðar til ársins 1985. Þá fékkst ekki fóstra við skólann og var Matthildur S. Guðmundsdóttir fengin til að vera forstöðumaður. Svo var það í júní 1993 að tvær nýútskrifaðar fóstrur (síðar leikskólakennarar) réðu sig við skólann, þær Rebekka Jónsdóttir sem var hér í eitt ár og Sigríður Herdís Pálsdóttir sem er hér enn sem leikskólastjóri í 100 % stöðu. Eydís Lúðvíksdóttir þroskaþjálfi tók við af Rebekku í 50% stöðu leikskólastjóra 1994 -1996. Matthildur leysti Sigríði af í 50% stöðu 2002-2004 þegar hún fór í framhaldsnám í stjórnun menntastofnana. Í janúar 2008 starfa í Leikskólanum Sólvöllum 16 starfsmenn. Stöðugildi eru 12,6 þar af eru 6 leikskólakennarar í 5,01 stöðugildum leiðbeinendur sem starfa inn á deild eru í 5,41 stöðugildi, stöðugildi í eldhúsi er 1,22 og í þrifum 1. Ýmiss félagasamtök og einstaklingar hafa styrkt leikskólann með gjöfum í gegnum tíðina má þar nefna Rauðakrossdeildina, Kvenfélagið, Lionsklúbbinn, Sjómannadagsráð, Kiwanis, skipsáhöfnina á Haukabergi, Styrktarsjóð Ragnhildar Rúnar og ýmsir aðrir einstaklingar.Þegar viðbygging leikskólans var vígð 2006 bárust leikskólanum margar góðar gjafir Foreldrar tveggja barna gáfu inneign í Barnasmiðjunni, Helga Sigvalda og Guðmundur Friðriks gáfu stafræna myndavél, Foreldrafélagið gaf tvö fiskabúr og Rauði krossinn gaf 3 glerskápa sem hafðir eru í holi í starfsmannarýminu undir leikföng sem voru í upphafi leikskóla þ.e. sýningarskápar. Ein amma gaf sett í vagn og einnig voru gefin blóm og aðrar gjafir. Þegar leikskólastarf átti 30 ára afmæli 4. janúar 2007 gaf Rauði Krossinn 20 þúsund krónur til kaupa á dúkkum af mismunandi þjóðerni. Kvenfélagið Gleym mér ey gaf 50. þúsund, Kaupþing banki gaf 50 þúsund krónur og Grundarfjarðarbær gaf 50 þúsund krónu inneign í Barnasmiðjunni. Að auki fengum við blóm frá bæjarskrifstofunni, kerti og disk frá grunnskólanum og Eydís færði okkur blóm og kerti og Matta færði leikskólanum bókina „Fólkið, fjöllin og fjörðurinn" þar sem saga leikskólans er og bókina „Með á nótunum" fyrir nemendur. Og síðar á árinu gáfu Samkaup og Lyfja 100 þúsund krónur og Íslandspóstur 37.500 krónur.
Yfirstjórn leikskólamála í Grundarfirði
Bæjarstjórn Grundarfjarðar hefur með höndum yfirstjórn leikskólamála. Fræðslu- og menningarmálanefnd hefur umsjón með málaflokknum. Bæjarstjóri situr fundi nefndarinnar. Fundir um leikskólann eru á tveggja mánaða fresti og eru þá leikskólastjóri og aðstoðarleikskólastjóri boðaðir á fund. Fulltrúi foreldra á rétt á setu á fundum um málefni leikskólans. Nefndina skipa: Formaður: Ásthildur E. Erlingsdóttir Varaformaður: Jóhanna Hallgerður Halldórsdóttir Sólrún Guðjónsdóttir Sædís Alda Karlsdóttir Þórey Jónsdóttir Fulltrúi foreldra:
Leikskólinn Sólvellir Leikskólinn er fyrir börn frá eins árs aldri. Í leikskólanum eru tvær deildir Útsveit (Músadeild) og Framsveit (Drekadeild). Útsveit er fyrir 1-3 ára og Framsveit er fyrir 3-6 ára. Leikskólinn opnar kl: 7:45 og lokar 16:15. Námskrá Leikskólans Sólvalla mótast af þeim áherslum sem lagðar eru í Aðalnámskrá leikskóla, sérstökum áherslum/stefnu leikskólans og af þeim aðstæðum sem hann býr við. Hér er átt við ytri aðstæður, umhverfi leikskólans og þann faglega og persónulega bakgrunn sem mótar viðhorf kennara og starf þeirra.
Sérstök stefna í leikskólastarfinu - langtímamarkmið Leikskólastarfið er í megindráttum byggt á kenningum Johns Dewey. Þroski er meginhugtak í uppeldisritum Dewey. Allt og allir hafa möguleika á að þroskast. Þróun er stigbundin framvinda frá einu þroskastigi til annars. Það þarf að örva þessa stigbundnu þróun, með því að skapa barninu uppeldisumhverfi sem á virkan hátt örvar það, en hæfilega erfitt viðfangsefni er til að efla virka hugsun. Uppeldi á að stuðla að eðlilegri samvirkni milli barns, uppalanda, uppeldisumhverfis og samfélags. Samkvæmt kenningum Dewey felst nám barna fyrst og fremst í því að þau fái að upplifa og prófa hluti á eigin forsendum. Þannig læra þau af reynslunni (learning by doing). Leikskólinn leggur áherslu á að umhverfið sé áhugahvetjandi. Hlutverk kennara er að skapa fjölbreytt og hvetjandi umhverfi og veita börnunum þá leiðsögn sem þeim er nauðsynleg til að hæfileikar þeirra nái að þroskast, þeim sjálfum og samfélaginu til góðs. Leikskólinn setur sér ákveðna áhersluþætti eða markmið, eitt eða fleiri, sem unnið er sérstaklega með í lengri eða skemmri tíma. Við leggum áherslu á frjálsa leikinn, vistvænt umhverfi, skapandi starf, sýnilegt ritmál, markvissa málörvun, samvinnu, samskipti, vináttu og virðingu, hreyfingu og útiveru. Venjubundnar athafnir daglegs lífs í leikskólanum mótast af andlegum og líkamlegum þörfum og heilsu barnanna. Markmiðið er að börnin verði sjálfstæð og sjálfbjarga. Líkamleg umönnun og heilsuvernd stuðlar að almennri vellíðan barnsins. Návist leikskólakennara við barnið í leik og starfi gefur dvöl þess í leikskólanum mikið gildi.
SOS Í leikskólanum Í kjölfar fjölskyldustefnu Grundarfjarðarbæjar sem mótuð var vorið 2006 var ákveðið að bjóða öllum foreldrum barna á aldrinum 2-12 ára á SOS-uppeldisnámskeið sem og öllum starfsmönnum bæjarins sem koma að uppeldi og umönnun barna. Verkefnið yrði til 5 ára og haldið eitt námskeið árlega. Nú þegar hafa verið haldin níu hefðbundin SOS- námskeið og má áætla að um 70% foreldra barna á þessum aldri hafi sótt námskeiðið og allir starfsmenn leik-og grunnskóla.
Á þessu námskeiði eru kynntar þrjár reglur í barnauppeldi: Regla 1. Umbunaðu fyrir æskilega hegðun (fljótt og oft) Regla 2. Gættu þess að umbuna ekki "óvart" fyrir óæskilega hegðun Regla 3. Refsaðu stundum fyrir óæskilega hegðun (en notaðu eingöngu væga refsingu).
Fjögur mistök í barnauppeldi Mistök 1. Foreldrar umbuna ekki fyrir æskilega hegðun. Mistök 2. Foreldrar refsa "óvart" fyrir æskilega hegðun Mistök 3. Foreldrar umbuna"óvart" fyrir óæskilega hegðun Mistök 4. Foreldrar refsa ekki fyrir óæskilega hegðun (þegar væg refsing er við hæfi)
Við höfum notað þessar tvær fyrstu reglur í Leikskólanum lengi þ.e að taka eftir æskilegri hegðun barnanna og gef athygli fyrir hana og eins reynt að einbeita okkur að því að hunsa neikvæða hegðum Á deildarfundum var kynnt fyrir foreldrum hvaða hegðun það er sem beitt er hlé á þ.e þriðju reglunni. Á Músadeild er það ef barnið meiðir eða skemmir fyrir öðrum. Á Drekadeild er það ef þau eru með hortugheit, meiða eða eru með ljótt orðbragð. Barnið er sett í hlé á stól og notað í mesta lagi 10 orð og 10 sekúndur. Klukka er stillt á eina mínútu fyrir hvert aldursár og höfð þar sem barnið heyrir í henni. Beðið er eftir að hún hringi og barninu ekki veitt athygli á meðan það bíður. Þegar hún hringir er barnið spurt hvers vegna það var sett í hlé og ef það segir það ekki þá er sagt hversvegna og síðan er það ekki rætt meira. Við höfum tekið eftir að foreldrar eru dálítið uppteknir að þessu að barnið fari í hlé. Það er mikilvægt að foreldrar láti barnið ekki fá athygli út á það að það hafi farið í hlé í leikskólanum. Það gæti orðið til þess að hegðunin aukist til að fá athygli. Við viljum frekar láta foreldra vita af jákvæðri hegðun en neikvæðri. Við stefnum á það að þurfa ekki að nota hlé oft því við viljum útrýma allri neikvæðri hegðun úr leikskólanum og erum á góðri leið með það. Það sýnir að leikskólanemendur eru allir til fyrirmyndar. Ef það vakna einhverjar spurningar um það sem að ofan greinir er hægt að biðja um viðtal við leikskólastjóra eða deildarstjóra.
Námsþættir leikskólans
Ákveðin námssvið eru undirstaða náms barnanna í leikskólanum. Þessi námssvið skarast öll að meira eða minna leyti og haldast í hendur við leik, daglegt líf og lífsleikni barnanna. Málörvun Tungumálið er mikilvægasta tæki manna til boðskipta. Með því tjá þeir hugsanir sínar, tilfinningar, skoðanir og fyrirætlanir. Í frumbernsku og á leikskólaaldri er lagður grundvöllur að málþroska barna. Segja má að málörvun gangi eins og rauður þráður í gegnum allt leikskólastarfið og fléttast inn í það. Mikilvægt er að mál og málörvun greinist ekki frá öðrum uppeldisþáttum heldur sé fléttað inn í allt starf leikskólans. Leikskólakennarinn er alltaf fyrirmynd, í daglegu tali og daglegum venjum. Í samverustundum er lesið fyrir börnin og sagðar eru sögur,frá atburðum og öðru sem þau hafa áhuga á. „Markviss málörvun" er notuð í leikskólanum. Það er rímað, farið með þulur og í aðra málörvunarleiki sem er góður undirbúningur fyrir lestrarnám barnanna. Skiltalestur er notaður, þá eru ýmis orð skrifuð á karton og í byrjun og lok samverustundar er skiltunum flett og lesið á þau. Þetta nýtist sem undirbúningur fyrir lestranám barna, því þau fara fljótt að þekkja orðin sem eru á skiltunum. Í Framsveit er skrifað í dagbók á hverjum degi. Þar er skrifað ýmislegt sem börnin segja og geta það verið atburðir sem hafa gerst í leikskólanum eða heima, einnig eitthvað sem þau ætla að gera þegar þau koma heim. Þar skrifum við mikið eða lítið, allt eftir efnum og aðstæðum. Þessi dagbók er fyrir foreldra til að þeir geta lesið hana og rætt við barnið um það sem þar stendur. Börnin skrifa í sameiningu bréf til ýmissa aðila t.d fyrirtæki sem þau vilja heimsækja og fá oft bréf til baka frá þeim. Tákn með tali (TMT) er tjáningarform, ætlað heyrandi einstaklingum sem eiga við mál- og talörðugleika að stríða. Það er byggt á látbragði, svipbrigðum, táknum og tali. Í TMT eru táknin alltaf notuð samhliða töluðu máli og aðeins lykilorð hverrar setningar, eitt eða fleiri táknuð. TMT er leið til tjáskipta jafnframt því sem hún örvar málvitund og málskilning barnanna. TMT er notað í samverustundum, í söngstundum og við matarborðið til að tákna matinn. . Myndrænar stundartöflur eru sendar með börnunum heim í byrjun hvers mánaðar. Það er gert til að foreldrar geti fylgst vel með því sem verið er að gera í leikskólanum. Þar eru merkt inn afmæli, hreyfistundir, sérstakir dagar ( blár- dagur ) og fleira. Gott er að hafa þessa stundartöflu sýnilega heima, þannig að foreldrar geti rætt um leikskóladaginn við barnið. Ritmálið sýnilegt -bókstafir -tölustafir. Börn læra um lestur og skrift í gegnum leik. Þegar börn leika sér nota þau tákn t.d. barn sem leikur sér með trékubb, þar getur kubburinn táknað hvað sem er. Rannsóknir gefa til kynna að sama ferli eigi sér stað við að nota tákn í leik og við lestur, þ.e. þróun hlutverkaleiks helst í hendur við þróun ritmáls. Þegar börn nota lestur og skrift í leikjum sínum, sjá þau tilgang þess og uppgötva hvernig ritmálið virkar. Í leikskólanum merkjum við hluti, sæti og hirslur barnanna. Bókstafir og tölustafir eru aðgengilegir fyrir barnið til að nota í leik og æfa sig í að búa til orð. Á stundartöflu setjum við staf vikunnar fyrir hverja viku og notum íslenska stafrófið. Talað er um þann staf þá viku. Hann er settur á hurð í söngstund þar sem nöfn og mynd þeirra barna sem eiga hann eru sett á. Stafurinn er hengdur upp á vegg og sungin stafavísa um hann. Dagarnir eru merktir og fylgjast börnin með hvaða dagur er frá degi til dags.
Hreyfing Börn hafa mikla þörf fyrir að hreyfa sig frjálst og óhindrað. Hreyfing stuðlar að líkamlegri og andlegri vellíðan, gleði, snerpu og þoli. Í markvissri hreyfiþjálfun eflist alhliða þroski barnsins. Barnið öðlast betri líkamsvitund og góð líkamleg færni leiðir af sér ánægðara barn. Sjálfsöruggt og ánægt barn á auðveldara með að leika sér og tileinka sér þekkingu. Markviss hreyfiþjálfun hefur einnig áhrif á málþroska og málskilning barns og þar með eykst félagsfærni og leikgleði sem eflir vináttuböndin. Farið er í hreyfistundir í samkomuhúsinu. Hreyfistundir eru skipulagðar á fjölbreyttan hátt með tilliti til aldurs og getu barnanna. Upphitun: byrjað er á því að heilsa og bjóða börnin velkomin í hreyfistundina. Boltar eða grjónapokar eru notaðir til að kasta á milli og segja börnin til nafns og stundum afmælisdaga eða annað sem kemur í hugann. Þá er hlaupið og farið í þrautakóng eða létta leiki. Sem aðalæfing eru stöðvaleikir þar sem ákveðnar æfingar fara fram í gegnum leik. Einnig getur aðalæfing farið fram í öðru formi t.d. boltaleikjum, hringleikjum og fleiru. Slökun í rólegum leik, þá er lagst niður slakað á og þakkað fyrir hreyfistundina. Yfir sumarið er farið með tvo elstu árgangana í sund. Reynt er að fara með hvert barn tvisvar sinnum yfir sumarið. Einn kennari fer með tvö börn. Í daglegri útveru fá börnin frjálsa hreyfingu í garðinum og farið er í gönguferðir.
Myndsköpun Börn hafa ríka þörf fyrir að tjá sig með myndmáli á skapandi hátt. Sköpun barna byggist á skynjun þeirra og reynslu. Í leikskólanum er lögð áhersla á að börnin tjái sig frjálst og að sköpunargleðin fái að njóta sín. Sjálft sköpunarferlið skiptir meira máli en útkoman. Barn hefur mikla þörf fyrir að vera skapandi í leik sínum. Það að vinna útfrá eigin forsendum og með þann efnivið sem það kýs hverju sinni gefur barni færi á að þroska hæfileika sína. Skapandi starf eflir gagnrýna hugsun barna, þjálfar rökhugsun og eflir skynjun barns og næmi fyrir umhverfinu. Föndursvæði er í Neshúsi þar er aðstaða til að mála og föndra á fjölbreyttan hátt. Efniviðurinn er allt frá pappír til laufblaða af trjánum og stundum búa þau sjálf til pappír. Mikið er um verðlausan efnivið. Áhersla er lögð á að hugmyndaflug barnanna fái að njóta sín þegar efniviður er valinn. Börnin eiga kost á að vinna á skapandi hátt með leir og annan efnivið. Einnig er á deildum unnið með ákveðið efni hverju sinni. Frá 11. desember eru listaverk frá tveimur elstu árgöngunum til sýnis í Landsbankanum. Að vori er opið hús í leikskólanum þar sem foreldrum gefst tækifæri til að skoða vinnu vetrarins. Í skapandi starfi er unnið með málningu og lím sem ekki er gott að fá í föt. Börnin fara í svuntur en það getur gerst að málning fari í fötin. Í flestum tilfellum næst málningin úr en við viljum biðja foreldra um að hafa börnin ekki í fatnaði sem þeim er mjög annt um.
Tónlist Tónlist er ríkur þáttur í allri þjóðmenningu. Börn öðlast tónlistarþroska með því að fá fjölbreytta reynslu af tónlist og að kynnast tónum og hreyfingu í leik og starfi. Í leikskóla er umhverfi sem hvetur börnin til að fást við og njóta tónlistar á ýmsan hátt, stutt er við sjálfsprottinn söng barnanna og tilraunir með hljóðgjafa. Söngurinn er einn af rauðu þráðunum í gegnum starfið. Söngstundir eru á hverjum degi og er hvert tækifæri notað til að syngja bæði úti og inni (sjá söngstund). Búnir eru til hljóðgjafar, hlustað er á geisladiska og hljóðsnældur. Hljóðfærakassi er til staðar með ýmsum hljóðfærum. Farið er í heimsóknir í tónlistarskólann með tvo elstu árgangana að hausti og að vori. Kennarar frá tónlistarskólanum ásamt nemendum koma í leikskólann með hljóðfæraleik á jólaball og þegar tækifæri gefast.
Náttúra og umhverfi Kynni barna af náttúrunnni eru þýðingarmikil fyrir þroska þeirra. Mikilvægt er að börn upplifi náttúruna af eigin raun og læri að njóta hennar sér til yndisauka. Í leikskólanum er stuðlað að virðingu barnanna fyrir náttúrunni og náttúruvernd og þeim er séð fyrir fjölbreyttum möguleikum á að kynnast henni, veðrinu og árstíðunum í fjölbreytileika sínum. Árið 2005 gekk Leikskólinn til liðs við verkefnið ,,Skólar á grænni grein" og stefndi að því að fá að flagga grænfánanum. Leikskólinn fékk grænfánann 7. nóvember 2007. Grænfánanum er flaggað að morgni þegar viðrar og tekinn niður í lok dags. Eitt af verkefnunum til að fá grænfána var að semja Umhverfissáttmála leikskólans og er hann eftirfarandi:
Umhverfissáttmáli leikskólans fléttast inn í daglega starfið og er hinn fullorðni ávallt fyrirmyndin. Þegar kennarar hafa tileinkað sér umhverfisvernd verða til ákveðin vinnubrögð sem skapa ábyrga umgengni og virðingu fyrir náttúrunni og umhverfinu. Með flokkun og endunýtingu fer fram mikið fræðslustarf. Þar læra börnin að tileinka sér hugsun sem síðar verður eðlileg og sjálfsögð. Við flokkum matarafganga og setjum í jarðgerðartunnu, pappír, plast og járn í græntu tunnuna. Við endurnýtum umbúðir undan t.d. morgunkorni og notum til listsköpunar. Endurvinnum pappír og notum verðlaust efni til listsköpunar og í könnunarleikinn. Matjurtargarður er við leikskólann. Á vorin er garðurinn stunginn upp og moltan úr jarðgerðartunnunum okkar er sett saman við. Kartöflur eru settar niður og gerðar tilraunir með að sá öðrum matjurtum. Rabbabari og graslaukur eru í garðinum. Blómum er sáð. Fylgst er með gróskunni yfir sumarið. Á haustin er uppskerutími og afraksturinn matreiddur í eldhúsinu. Á leikskólalóðinni eru nokkrar trjátegundir. Börnin geta fylgst með trjám af mismunandi gerðum og fundið mismunandi lykt. Skipulagðar sveitaferðir eru að vori og er þá farið að skoða dýrin. Farið er á svæði leikskólans í skógræktinni við Eiði og berjaferðir eru að hausti. Börnin fara oft í vettvangsferðir með kennurum sínum og tengjast ferðirnar stundum því námsefni/þema sem verið er að fjalla um hverju sinni. Markmið vettvangsferða er að víkka sjóndeildarhringinn, að kynnast menningu og listum, að tengjast nánasta samfélagi sínu og að kynnast nánasta umhverfi og náttúru. Vettvangsferð út í náttúruna eða heimsókn á vinnustað í þjónustufyrirtæki gefur börnunum reynslu sem hægt er að vinna úr t.d. í skapandi starfi. Þetta er hluti af menningu og samfélagsnámi barnanna. Ýmist er farið í litlum eða stórum hópum. Reynt er að tryggja öryggi barnanna í öllum ferðum sem farnar eru. Börnin nota endurskinsvesti sem eykur öryggi þeirra í umferðinni. Öll börn í leikskólanum er slysatryggð, einnig í þeim ferðum sem farnar eru á vegum leikskólans. Farið er í fjöruferðir aðallega við Torfabótina og fyrir neðan Grundargötu austanverða. Farið er upp í gil og í þríhyrninginn.
Menning og samfélag Maðurinn er óhjákvæmilega þátttakandi í því samfélagi sem hann býr í. Hefðir eru ákveðin menning og tengsl við sögu okkar og fortíð. Í leikskólanum kynnist barnið ýmsu í menningu samfélagsins, t.d. eru kenndar gamlar þulur og kvæði, farið er í ýmsa gamla leiki og fjallað um íslenska fánann - tákn fullveldis þjóðarinnar. Lögð er áhersla á að kenna börnunum að umgangast íslenska fánann með virðingu og hafa í heiðri þær reglur sem gilda um notkun hans. Á leikskólalóðinni er fánastöng þar sem flaggað er á merkisdögum. Í leikskólanum hafa með tímanum myndast ákveðnar hefðir sem eru mikilvægur hluti af menningu hans. Í hefðum felst öryggi og oftast eitthvað sem gleður hjartað, það að gera sér dagamun. Helstu hefðirnar eru:
Afmæli barna Í leikskólanum er haldið upp á afmæli barnanna. Afmæli er stórviðburður í lífi hvers barns og við reynum að stuðla að því að barnið upplifi hann á skemmtilegan og eftirminnilegan hátt. Afmælisbarnið fær kórónu, það fer í eldhúsið þar sem það velur sér veitingar, popp eða snakk, til að bjóða börnunum á deildinni. Kveikt er á kertum, íslenski fáninn hafður og sungin afmælissöngur eftir Þórarinn Eldjárn við lag Atla Heimis barninu til heiðurs. Tekin er mynd af afmælisbarninu. Foreldrar eru beðnir um að dreifa ekki afmælisboðsmiðum í leikskólanum. Það getur verið erfitt að skilja af hverju það fá ekki allir afmælisboð í öll afmæli. Haldið er upp á afmæli þeirra sem eiga afmæli í sumarlokuninni í síðustu viku fyrir lokun.
Afmæli leikskólans Afmæli leikskólans er 4. janúar. Á stórafmælum er opið hús þar sem gestum og gangandi er boðið að mæta. Sungin er afmælissöngur og fáni dreginn að húni.
Dagur íslenskrar tungu Á degi íslenskrar tungu 16. nóvember (eða næsta virka dag við hann) er skemmtun leikskólanemenda þar sem foreldrum og öðrum velunnurum er boðið að koma.
Dagur Leikskólans Þann 6. febrúar 1950 stofnuðu frumkvöðlar leikskólakennara fyrstu samtök sín og hefur sá dagur verið valin sem dagur leikskólans. Þann dag gerum við leikskólastarf sýnilegt á einhvern hátt og er það ákveðið hverju sinni.
Jól Börnin búa til jólagjafir handa foreldrum sínum og er stefnt að því að þeirri vinnu sé lokið í byrjun desember. Í desember er reynt að hafa rólegan tíma til að vinna á móti þeirri spennu sem er ríkjandi. Kertaljós eru látin loga í söngstundum og jólalög sungin. Börnin syngja nokkur lög á fjölskyldudegi Kvenfélagsins í byrjun aðventu. Farið er í heimsókn í kirkjuna þar sem presturinn tekur á móti öllum og segir þeim frá boðskap jólanna. Farið er á kaffihús í desember. Jólaball er á fimmtudegi um miðjan desember. Haldið er eitt jólaball kl:13:30 fyrir alla, þar sem þau börn sem eru f.h. mæta aftur. Þá mæta börnin í sparifötunum og foreldrar eru velkomnir með. Nemendur tónlistarskólans koma og spila nokkur lög. Jólaguðspjallið er lesið, dansað er í kringum jólatréð og foreldrafélagið semur við jólasveina um að koma með gjafir. Boðið er upp á heitt súkkulaði og jólasmákökur sem börnin hafa bakað í leikskólanum.
Sólarkoma Í Grundarfirði sést sólin ekki frá miðjum nóvember og til loka janúar. Þegar hún skín á leikskólalóðina er komu hennar fagnað með sólarpönnukökum.
Þorrablót Að blóta þorra er gamall íslenskur siður sem við viljum leiða áfram til barnanna. Þorrablót er haldið hér í leikskólanum fljótlega eftir að þorrinn gengur í garð. Þorrablótið er haldið þannig að börnin eru með skemmtun kl: 11:00 þar sem foreldrum og öðrum áhugasömum er boðið. Einnig er nemendum úr 1. bekk grunnskólans boðið að koma. Síðan er boðið upp á fjölbreyttan þorramat.
Bolludagur , sprengidagur, öskudagur Fyrir bolludaginn búa börnin til bolluvönd. Hér í leikskólanum eru bakaðar bollur fyrir bolludaginn og þann dag eru líka fiski- eða kjötbollur í matinn. Á sprengidag er saltkjöt og baunir í matinn. Í leikskólanum höldum við að sjálfsögðu upp á öskudaginn með tilheyrandi sprelli. Börn og starfsfólk mæta í grímubúningum, þau sem vilja eru máluð og foreldrafélagið er með grímuball seinnipartin.
Páskar Fyrir páskana eru páskahefðir ræddar og búið er til páskaskraut. Vorhátíð Í lok apríl er opið hús hús í leikskólanum. Þá er foreldrum og öðrum boðið á listaverkasýningu leikskólanemenda. Einnig eru sýndar ljósmyndir og myndbandsupptökur úr starfinu. Leikskólabörn syngja nokkur lög og foreldrafélagið er með kaffihús.
Sumarhátíð Í kringum jónsmessuna er brugðið á leik. Þá er garðurinn skreyttur með blöðrum og borðum. Þeir sem vilja láta mála sig eru málaðir. Í hádeginu eru grillaðar pylsur. Síðasta dag fyrir sumarlokun er farið í gönguferð í N1 þar sem öllum er boðið upp á ís.
Velkomin í leikskóla Samstarf milli heimilis og leikskóla hefst áður en barnið byrjar í leikskólanum. Sótt er um leikskóladvöl á þar til gerðu eyðublaði í leikskólanum. Æskilegast er að sótt sé sem fyrst um fyrir barnið. Leikskólinn er fyrir börn frá eins árs aldri. Foreldrar fá skriflega tilkynningu frá leikskólastjóra þegar barnið getur byrjað og eru boðaðir á fund með leikskólastjóra og deildarstjóra þar sem foreldrum er afhent ferlimappa sem heitir „Ég og leikskólinn minn", þessi ferlimappa fylgir barninu í gegnum leikskólagönguna. Í ferlimöppunni eru helstu upplýsingar til foreldra um leikskólann, fyrsta viðtal þar sem foreldrar gefa upplýsingar um barnið, dvalarsamningur, námsvið leikskóla og upplýsingar um félagsþroska, málþroska, hreyfiþroska og teikniþroska. Á meðan barnið er í aðlögun er lagður grunnur að gagnkvæmum kynnum, trausti og virðingu á milli foreldra og leikskóla. Eins og áður var getið fá foreldrar afhenta á fyrsta fundi til skoðunar ferlimöppu sem fylgir barninu í gegnum leikskólanámið. Í þessa ferlimöppu eru settar upplýsingar um þroska barnsins. Þetta eru myndir sem teknar eru af barninu í starfi, skrifaðar lýsingar á því hvað það er að gera í leikskólanum ásamt myndum sem það teiknar. Atferliskannanir, könnun á hugtakaskilningi og upplýsingar til foreldra í foreldraviðtölum eru einnig sett í möppuna. Þegar barnið útskrifast frá leikskólanum fær það möppuna og eru upplýsingar um leikskólagönguna skráðar þar. Með því að halda ferlimöppu fyrir hvert barn eiga leikskólakennarar auðveldara með að fylgjast með framförum í þroska og skólagöngu þess í leikskólanum. Ferlimappan gefur foreldrum kost á því að geta betur fylgst með þroska og skólagöngu barnsins. Inn í ferlimöppurnar fara einnig þær athuganir sem heilsugæslan gerir á börnunum og foreldrar hafa samþykkt að séu settar þar inn samkvæmt samstarfi á milli leikskóla og heilsugæslu.
Aðlögun í leikskólann Aðlögun barna er einn þáttur í uppeldistarfinu og skiptir miklu máli fyrir líðan barnsins hvernig til tekst. Að byrja í leikskóla er ný reynsla, allt er framandi og ókunnugt og því er mikilvægt að vel sé staðið að málum. Með því er lagður góður grunnur að framtíðinni. Markmiðið er að efla öryggiskennd og vellíðan barnsins og foreldrum þess í framandi aðstæðum og stuðla að gagnkvæmum kynnum á milli fjölskyldu barnsins og leikskólans. Góð samvinna milli foreldra og leikskóla er forsenda þess að leikskóladvölin verði barninu árangursrík og ánægjuleg. Mikilvægur þáttur í þessari samvinnu er aðlögun barna í leikskólanum, þar sem foreldrar eru barninu til halds og trausts fyrstu dagana. Þegar barn byrjar í leikskóla kemur það í alveg nýtt umhverfi og kynnist nýju fólki, bæði börnum og fullorðnum. Það er margt nýtt sem barnið þarf að læra t.d. ýmsar reglur, daglegar venjur, umgengni við leikföng o.fl. Barnið kynnist einnig nýjum hlutum s.s. ýmsu efni til myndsköpunnar. Til þess að barnið öðlist öryggi við þessar nýju aðstæður þarf að gefa því góðan tíma til aðlögunar. Þó svo að barnið hafi verið hjá dagmömmu og allt „gengið vel" þá vitum við að góð tilfinningatengsl við kennara eru forsenda þess að barninu líði vel og að það skilji sátt við foreldra sína, í þeirri vissu að þeir komi aftur. Þess vegna er í aðlöguninni nauðsynlegt að annað foreldrið dvelji með barninu fyrstu vikuna, eða lengur ef þörf er. Þessa daga kynnast foreldrar og börn leikskólakennurum, starfsfólki og starfsemi leikskólans. Við viljum leggja áherslu á góða samvinnu á milli barnsins, kennara, og foreldra. Hvernig fer aðlögunin fram Í byrjun koma foreldrar á fund með deildarstjóra og leikskólastjóra þar sem þeim er kynntur leikskólinn og starfsemin sem þar fer fram. 1. dagur: Barnið er í 1. klukkutíma með foreldri. 2. dagur: Barnið er í 1 - 2 tíma klukkutíma og foreldri skreppur frá innan leikskólans. 3. dagur: Barnið er í 3-4 klukkutímar, foreldri er með í nýjum stundum. 4. dagur: Foreldri skilur barnið eftir í 4-6 klukkutíma og er í símasambandi. 5. dagur: 6 klukkutímar foreldri fer og barnið er byrjað í leikskóla. Þetta aðlögunarplan er miðað við 6 klukkutíma dvöl en getur verið lengra ef barnið er í lengri dvöl. Aðlögun vegna erlenda barna Heilsugæsla- leikskóli og grunnskóli hafa sett sér samræmdar reglur vegna barna sem eru að flytja til landsins. Heilsugæsla: Þegar erlend börn sem ekki hafa átt borgararétt í EES ríkjum flytja til Íslands þurfa þau að fara í læknisskoðun (saurprufur, berklaprufur, blóðprufur) og fá vottorð um að þau hafi ekki smitandi sjúkdóma áður en þau geta farið í leik- eða grunnskóla. Læknisskoðun fer eingöngu fram í Reykjavík hjá Gesti Pálssyni á Bráðamóttöku barna á Landspítalanum og þarf að athuga með tíma í síma 543 1000.
Leikskóli og Grunnskóli: Til þess að erlend börn sem ekki hafa átt borgararétt í EES ríkjum geti hafið nám í leik og grunnskóla þurfa eftirfarandi skilyrði að vera uppfyllt: Dvalarleyfi og kennitala frá Hagstofu sé fyrir hendi. Viðkomandi hafi farið í læknisskoðun hjá Gesti Pálssyni barnalækni og niðurstöður úr henni séu komnar. Þegar nýr nemandi af erlendum uppruna kemur í grunnskóla þarf annað foreldrið að koma með nemandanum og vera alveg með honum fyrsta skóladaginn bæði nemandanum til stuðnings og til þess að kynnast skólastarfinu. Næstu tvo til þrjá daga mun foreldri fylgja nemandanum fyrir hádegi og ef um yngri börn er að ræða allt upp í 4 daga eftir aldri og stöðu nemandans. Þegar barn af erlendum uppruna byrjar í leikskóla þarf annað foreldrið að koma með barninu í leikskólann og dvelja með því allt að 10 dögum. Bæði barninu til stuðnings og til þess að kynnast leikskólastarfinu . Aðlögun í leikskólann fer rólega af stað. Fyrst er byrjað á klukkutíma en síðan er tíminn lengdur dag frá degi foreldrar dvelja með börnunum en draga sig síðan í hlé og geta skilið barnið eftir þegar það er orðið öruggt í leikskólanum. Æskilegt er að foreldrar barna sem koma í leik- og grunnskóla leggi sig fram við að læra íslensku svo öll samskipti verði betri og skilvirkari. Að færast á milli deilda Það er ný reynsla fyrir barnið að vera allan daginn í Framsveit. Leikskólakennarar vinna sameiginlega að því að auðvelda hverju barni þau skipti. Í leikskólanum er reynt að hafa samskipti á milli deilda þannig að börnin venjist að vera á báðum deildum. Fljótlega eftir áramót er farið með eldri árganginn úr Útsveitinni í kubbana í Framsveitinni. Einnig fara tvö og tvö börn í heimsókn í frjálsa leikinn þegar líða tekur á vorið til að aðlagast deildinni. Að hausti eða um áramót (fer eftir fjölda í árgangi) það ár sem þau verða þriggja ára færast þau alveg yfir í Framsveitina og fylgir kennari af deildinni þeim fyrstu dagana. Í fataherbergi á vegg Útsveitarmeginn er mynd af barni á músaspjaldi en að hausti/áramót það ár sem þau færast yfir fá þau dreka á vegginn Framsveitarmegin.
Dagskipulag Leikskólinn fylgir ákveðnu dagsskipulagi sem þó er sveigjanlegt, það er sniðið að þörfum barnanna, þroska þeirra og aldri. Dagskipulagið er unnið með tilliti til þess að hlúð sé að öllum þroskaþáttum barnanna á sem víðtækastan hátt. Dagskipulagið getur breyst ár frá ári eftir dvalartímum nemenda. Dagskipulag - ViðmiðunartímarFramsveit Útsveit
EINKUNNARORÐ LEIKSKÓLANS SÓLVALLA ERU: VINÁTTA - VIRÐING OG GÓÐ SAMSKIPTI.
Dagskipulegir þættir Að koma og faraLögð er áhersla á að taka vel á móti hverju barni þannig að það finni sig velkomið í leikskólann. Barnið þarf að upplifa öryggi, því að það viðmót sem það mætir getur haft úrslitaþýðingu varðandi góð samskipti og tengsl. Mikilvægt er að börnin mæti og séu sótt á réttum tíma. Ætíð skal tilkynna kennurum þegar börnin mæta og láta vita þegar þau eru sótt. Ef þau mæta seinna missa þau af skipulögðu starfi sem er skipulagt út frá dvalartímum barnanna. Ef barn mætir seint verður það oft óöruggt og er lengur að komast inn í starfið. Ef barn er sótt of seint er hringt í foreldra eða aðstandendur. Nauðsynlegt er að foreldrar láti vita ef barnið kemur ekki í leikskólann og eins ef það mætir seinna. Foreldrar eru beðnir um að láta vita ef einhverjir aðrir en nánustu aðstandendur sækja barnið. Að klæða sig í og úrÍ fataherberginu fer fram mikið uppeldis-og fræðslustarf. Börnin klæða sig að mestu sjálf í og úr en fá hjálp ef þau þarfnast. Þetta eykur sjálfstæði þeirra og styrkir sjálfsmynd. Börnunum er gefinn góður tími, því ekki skiptir máli hvort barn kemst út nokkrum mínútum fyrr en seinna. Áður en farið er út, er farið yfir hvernig veðrið er og hvaða klæðnaður hæfir. Vel er fylgst með að klæðnaður barnanna sé í samræmi við veður og einnig er þess gætt að hann hindri ekki hreyfingar þeirra í leik. Börnin klæða sig í og fer það eftir aldri og getu hversu mikla aðstoð þau þurfa. Þau elstu eru hvött til að bera ábyrgð á klæðnaði sínum undir eftirliti. Þau verða stundum að reka sig á með því að fara lítið klædd út og að verða kalt og koma inn til að klæða sig betur. Þegar þau koma inn klæða þau sig úr og ganga frá fötunum sínum eftir getu og aldri. Í Framsveitinni er farið yfir dagskipulagið, veður og fatnað áður en farið er út. BorðhaldLögð er áhersla á að börnin fái hollan og fjölbreyttan mat í leikskólanum. Í eldhúsi er starfsmaður sem hefur sótt námskeið um mataræði og næringu leikskólabarna. Til viðmiðunar er gefin út sérstakur matseðill fyrir Leikskólann Sólvelli. Ef börn þurfa sérfæði vegna fæðuofnæmis eða óþols er séð um að þau fái mat við sitt hæfi í samvinnu við foreldra. Eins er tekið á ef börn þurfa sérfæði vegna trúar að þá er unnið með það eins og fæðuóþol. Matartíminn á að vera notalegur tími þar sem öllum líður vel. Matartímar og borðhald hafa mikið uppeldislegt gildi, þar gefast gjarnan tækifæri til skemmtilegra og fræðandi umræðna. Kennarar matast með börnunum og aðstoða þau eftir þörfum, áhersla er lögð á að börnin læri góða borðsiði og tillitssemi. Áður en þau borða fara allir og þvo sér um hendur. Börnin matast inni á deildum þar sem hvert barn hefur sitt sæti. Börnin skiptast á að leggja á borð og eru þá aðstoðarmenn. Yngstu börnin fá smekki. Fyrir máltíðina syngja þau eitt lag og tákna matinn. Það barn sem leggur á borð býður hinum að gjöra svo vel. Þau skammta sér sjálf á diskinn, nota hníf og gaffal, hella í glasið sitt, aðstoða hvert annað og þau eru látin biðja hvert annað um að rétta sér. Ekki er byrjað að borða fyrr en allir eru búnir að fá sér mat á diskinn. Þau ganga frá eftir sig. Hvert barn fær klút til að þvo sér um munninn. Eftir matinn þakka þau fyrir sig þegar allir eru búnir að borða. Þetta er þáttur í uppeldi þeirra til sjálfstæðis og sjálfsbjargar. Öll börn taka þátt í þeim máltíðum sem eru á dvalatíma þeirra. Í Framsveitinni byrjar morgunmaturinn kl: 8:00 og geta þau sleppt því að vera í morgunmat. Þau sem eru ekki að borða eru í frjálsum leik og um leið og hin börnin eru búin að borða þakka þau fyrir matinn . Fyrir morgunmat fá allir sér lýsi. Á hverjum degi fá allir ávextir. Fyrir hádegi fyrir eða eftir útiveru og í síðdegishressingunni eftir hádegi. Svefn og hvíld Eftir hádegisverð er hvíld og róleg stund, yngstu börnin sofa en þau eldri eiga kyrrláta stund, hlusta á sögu eða rólega tónlist. Lögð er áhersla á að skapa rólegt og þægilegt andrúmsloft í hvíldinni. Í Útsveit leggjast þau börn sem eiga að sofna á dýnur og rúm með teppi yfir sig. Spiluð er róleg tónlist og kennari liggur hjá þeim þangað til þau sofna. Þau eru vakin með því að taka þau í fangið og setið er með þau sem þurfa þess með. Svefntími fer eftir óskum foreldra. Aðrir nemendur leggjast á dýnu með teppi yfir sig og eiga rólega stund og hlusta á sögu eða tónlist til að slaka á eftir matinn.
Hreinlæti Hreinlæti er mikilvægur þáttur í daglegu lífi barnanna. Lögð er áhersla á að börnin sturti niður og þvoi sér um hendur, eftir að þau hafa notað salerni. Yngstu börnin í leikskólanum eru að læra að halda sér hreinum og þurrum. Mikilvægt er að gæta þess að það ferli gangi vel og jákvætt fyrir sig. Reynt er að gæta hreinlætis í hvívetna, ekki síst með tilliti til smithættu. Í Útsveit eru fastir salernistímar fyrir yngstu börnin. Skipt er á þeim börnum sem hafa bleyju og þeim boðið á klósett eða kopp. Í Framsveit fara þau þegar þau þurfa á salernið, nema í einstaka tilfellum þar sem þarf að fylgja þeim eftir. Fastur liður er á báðum deildum að þvo hendur áður en sest er að borðum.
Frágangur og snyrtimennska Einn liður í uppeldi og menntun barnanna er að þau læri að ganga frá fatnaði sínum og leikefni. Börnin eru þátttakendur í undirbúningi að ýmsum verkefnum, t.d. með því að sækja sér efnivið. Lögð er áhersla á að leikföng og efniviður sé sýnilegur og aðgengilegur fyrir börnin. Lögð er áhersla á að þau gangi frá eftir sig áður en þau skipta um verkefni. Þau eru ekki látin vera með mikið af dóti í einu. Samverustundir Samverustundir eru á hverjum degi. Markmiðið með þeim er að stuðla að alhliða námi og eiga notalega stund saman. Í samverustundum eru lesnar sögur, sungið, farið í leiki og rætt saman. Ýmis fræðsla tengd menningu og listum fer fram, fjallað er um heiti daga og mánaða, einnig er rætt um veðráttu og tíðarfar í tengslum við árstíðirnar. Samverustundir gegna mikilvægu hlutverki fyrir félags- og málþroska barnanna, þau tjá sig og læra að hlusta á aðra. Samverustundin byrjar með því að börnin heilsast og kynna sig. Þar er lesið fyrir börnin og spjallað við þau. Í samverustund er skiltalestur(sjá kafla um málörvun), tákn með tali og markviss málörvun, talað er um staf vikunnar og sungin vísa um hann. Í samverustund er talað um líkamann, liti, form, tölur, afmælisdaga, nöfn fjölskyldumeðlima og heimilisfang. Í lok samverustundar er oft sest niður og teiknað. Söngstund Á hverjum degi eru söngstundir. Söngstundinni er ætlað að hlúa að og efla tónlistaþroska barnanna. Þá setjast allir saman í hring, börnin heilsast og bjóða hvert annað velkomið og þakka fyrir í lokin. Sungin eru lög sem tengjast árstíðum og sérstöku þema ásamt lögum sem ganga allt árið. Í Framsveit er skrifað í dagbók (sjá kafla um málörvun ).
Leikfangadagur Á mánudögum er dótadagur í leikskólanum. Þá mega börnin koma með leikföng að heima. Aðeins má koma með 1 - 2 leikföng og hafa stærðina innan skynsamlegra marka. Foreldrar eru beðnir um að merkja leikföngin með upphafsstöfum barnanna. Könnunarleikur Í Útsveit er unnið eftir aðferð sem nefnist Könnunarleikur einu sinni í viku. Könnunarleikur (heuristic play with objects) hefur verið prófaður í fjölda ólíkra landa til margra ára með stórum hóp barna. Gerðar hafa verið ýmsar athuganir og einnig hefur verið notast við upptökur. Ákveðinn tími dags er áætlaður fyrir könnunarleik, ca 30-60 mínútur í senn (frá því að náð er í efniviðinn og búið er að ganga frá). Hámark í hóp eru 8 börn og þarf fullorðinn alltaf að vera viðstaddur og getur ekki sinnt öðrum störfum á meðan. Mikil áhersla er lögð á rólegheit í könnunarleik. Efniviður þarf að vera aðlaðandi og raðaður upp fyrir börnin. Nota þarf að minnsta kosti 15 tegundir af efniviði, hver tegund á að vera í poka (406x508mm) með bandi svo mögulegt sé að loka honum. 50-60 hlutir geta verið í hverjum poka. Áætlaðir eru um 20 hlutir fyrir hvern 8 barna hóp. Sá efniviður sem ekki er í notkun skal ekki vera sýnilegur börnunum.
Vinnustund Í vinnustund er notast við kennsluaðferð sem nefnist könnunaraðferð (Project approach). Hún byggir á þrepaskiptingu, upphafi, miðbiki og þemalokum. Aðferðin gerið ráð fyrir virku námi barnanna, þ.e. námi þar sem lært er af reynslunni, með því að framkvæma. Börnin eru hvött til frumkvæðis í vinnu sinni og að nota eigin virkni til þess að byggja upp og bæta við þekkingu sína, undir leiðsögn og hvatningu þeirra fullorðnu. Gert er ráð fyrir því að nám sé mun líklegra til árangurs ef áhugi barnanna ræður ferðinni. Áhugahvötin spilar því stórt hlutverk. Það að börnin hafi ákveðið val um viðfangsefni innan þess sviðs sem unnið er á, er talið eitt af lykilatriðum að því að vekja áhuga barnsins fyrir náminu. Vinnan er ferli sem felst í því að spyrja og rannsaka. Í vinnustund vinna börnin í ákveðnum aldursskiptum hópum að ákveðnum verkefnum sem ná yfir langan tíma. Sami kennari er með hópinn yfir veturinn.
Markmið:
Hreyfistundir
Farið er einu sinni í viku með þrjá elstu árgangana í samkomuhúsið. Þar eru gerðar ýmsar æfingar í leik og farið í leiki.
Markmið:
Efniviður sem notaður er í hreyfistund: rauðir boltar, dýna, gulur veltibolti og jafnvægisslá, stultur, húllahringur, sippubönd og band með litlum bolta, keilur, litlir boltar, baunapokar, göng, teppabútar, græn dýna, taska sem í eru "hringir, stangir, festingar og fótspor", tvö magabretti, tvær veltikúlur, kefli (rör) og spaðar. Frjáls leikur á svæðum og val Eins og fram kemur í upphafi námskrár er leikurinn hornsteinn leikskólastarfsins, hann er kennsluaðferð kennarans og námsleið barnsins. Hinn frjálsi og sjálfsprottni leikur barnsins er talinn „leikur leikjanna". Í frjálsum leik er barnið að skapa leikinn úr eigin hugarheimi, það tekur ákvarðanir á eigin forsendum og lærir að leita lausna. Í leik er barnið einbeitt og það er upptekið af augnablikinu. Fjölþætt upplifun elur af sér þekkingu, nýjar tilfinningar, nýjar athafnir og leikni. Innan frjálsa leiksins er útbúið val sem gefur börnunum kost á fjölbreyttum verkefnum og húsnæðið og búnaður leikskólans nýtist vel. Valið fer þannig fram að börnin velja ákveðin svæði. Boðið upp á mismunandi viðfangsefni þar sem börnunum sagt hvað er í boði á hverju svæði. Einnig eru sett upp ákveðin verkefni á hverju svæði sem viðbót við það sem ávallt er í boði. Leikskólakennarar hafa ekki áhrif á val barnanna, en fylgst er með hvað börnin velja og afhverju. Yngstu börnin taka ekki þátt í vali. Val er grundvallað á hugmyndum uppeldisfrömuða um áhugahvöt og virkni barnsins. Markmið með vali er:
Meðal þess sem er í boði í leikstofum er: Kubbar til byggingaleikja, dýr, hlutverkakassar s.s dúkkur, dúkkuföt, föt, skór, læknisdót, eldhúsáhöld, bílar, bílateppi og sandur , Leir, blöð, litir, skæri, perlur, bækur, stafir, púsluspil, stafaspjöld,spil og tilraunir. Dót til að flokka, þræða og telja. Hljómflutningstæki, diskar, mjúkir púðar til að klifra upp á, dýnur. Einnig er hægt að sulla inn á salerni. Pappír, litir, lím, málning, penslar, efni, garn, skæri, leir og ýmiskonar verðlaus efni. Unit blocks trékubbar eru í Götuhúsi (appelsínugula) og litaðir litlir trékubbar, gúmmí- og plastfígúrur (má stundum nota, efni, garn, pappír, liti, skeljar, teppabúta, veggfóðursafganga, ílát, myndir úr tímaritum og málningarlímband).
Útivera Útivera er fastur liður í dagskipulagi leikskólans. Markmið með útiveru er:
Reynt er að fara út í öllum veðrum og nýttir þeir möguleikar sem náttúran býður upp á. Útivera býður upp á góða hreyfingu og er mikilvægur þáttur í leikskólauppeldi. Útivera er börnum holl og styrkir, eflir og eykur mótstöðuafl og matarlyst. Í útiverunni gefast ótal tækifæri til náms, t.d. um náttúruna og veðrið. Í útiverunni leika börnin sér mest frjálst, en einnig er boðið upp á skipulagða leiki, t.d. ýmsa hópleiki.
Elstubarnastund Vinna með elstubörnum leikskólans Markmið með verkefnum elstu barnanna er:
Elstu börnin hafa mikla þörf fyrir að takast á við verkefni sem reyna á færni þeirra bæði andlega og líkamlega. Sérstök áhersla er lögð á að þetta eru leikskólaverkefni og að hugmyndafræði og starfsaðferðir leikskóla eru lagðar til grundvallar. Með ýmsum krefjandi verkefnum læra þau að fullvinna verk sín, þjálfa einbeitingu, færni og úthald. Elstubarnastund er einu sinni í viku. Sérverkefni eru unnin, m.a unnið með barnið sjálft, samskipti við grunnskólann og atvinnulíf í Grundarfirði, risaverkefni, Bibbulabbaverkefni/ börnin finna og koma sér saman um eitthvað orð sem í fyrstu hefur enga merkingu og þau glæða það lífi. Siggi sæti bangsi er með þeim í elstubarnastundum og um helgar skiptist hann á að fara með þeim heim. Farið er eftir stafrófsröð. Með Sigga fylgir bók þar sem skrifað er um það sem hann gerir með þeim heima. Það barn sem fer með hann heim fær foreldra eða systkini til að skrifa það sem Siggi gerir með þeim. Einnig teikna þau mynd af honum heima og taka myndir sem eru límdar inn í bókina. Í næstu elstubarnastund er lesið það sem skrifað er í bókina og fær það barn sem var með bangsa að aðstoða við það. Leitað að listaverki þar sem börnin leggja land undir fót og leita að listaverki og búa til sína útfærslu á því. Endað er á því að fara í elstubarnaferð. Frá því haustið 2006 er elsti árgangurinn í leikskólanum með gjaldfrjálsa 4 tíma.
Elstubarnaferð Í lok maí er farið í elstubarnaferð. Börnin taka þátt í ákvörðun og matarinnkaupum fyrir ferðina. Farið er á bílum út að Bergi og gengið er út í Sandvík þar sem deginum er eytt í að kanna umhverfið og endað er á því að grilla. Farið er kl:9:00 og komið heim kl. 19:00 um kvöldið. Ef ekki viðrar til Sandvíkurferðar í maí er farið í skipulagða ferð í aðra bæi á Nesinu.
Útskrift Í lok maí er útskrift elstu barnanna. Útskriftin er haldin með viðhöfn kl:18:00 í samkomuhúsinu. Foreldrum og öðrum aðstandendum er boðið að vera viðstödd útskriftina Fyrir útskrift eru þau búin að búa til útskriftahatta sem þau setja upp. Við útskrift fær barnið afhent ferlimöppuna, foreldrafélagið færir þeim blóm og þau syngja nokkur lög. Eftir útskrift er farið í skrúðgöngu út í Kaffi 59 þar sem allir fá flatbökur.
Sérkennsla Nám án aðgreiningar - sérkennsla. Leikskólinn er fyrir öll börn á leikskólaaldri. Í leikskóla eru börn með mismunandi atgervi og frá ólíkum menningarheimum. Leitast er við að hvert einstakt barn fái viðfangsefni við sitt hæfi. Mikilvægt er að félagsskapur og samskipti barnanna bindi þau vináttuböndum og styrki samkennd þeirra. Í leikskólanum er það talinn ávinningur fyrir alla að eiga þar fjölbreytt samfélag.
Börn með fötlun og börn með frávik í þroska fá sérkennslu samkvæmt reglum sem bæjarfélagið setur þar um. Meginreglan er að sérkennslan fari fram í hópnum með öðrum börnum. Í leikskólum eru ráðnir kennarar með sérþekkingu, t.d. leikskólasérkennarar, leikskólakennarar og/eða þroskaþjálfar og eru þeir ásamt deildarstjóra ábyrgir fyrir því að gerðar séu áætlanir vegna barnanna og þeim framfylgt. Markmið með sérkennslu er:
Ef grunur leikur á að barn þarfnist sérkennslu er fylgst sérstaklega með því og í framhaldi af því eru gerðar ráðstafanir sem hægt er að framkvæma innan ramma leikskólastarfsins. Ef ástæða þykir til frekari aðgerða er í samráði við foreldra barnsins fengin sérfræðingur til ráðgjafar. Félags- og Skólaþjónusta Snæfellinga er með ráðgjafaþjónustu fyrir foreldra og starfsfólks leikskólans. Þegar búið er að greina fötlun á barni þá er unnið í samvinnu við Svæðisskrifsstofu fatlaðra.
Nöfn á svæðum í Leikskólanum Með breytingu á húsnæði voru fundin ný nöfn á svæðum í leikskólanum eru unnin eftir nöfnum á húsum og stöðum í sveitinni. Deildarnar skiptast í Útsveit (Músadeild) og Framsveit (Drekadeild) og starfsmannrýmið er Framnes. Nöfnin eru eftirfarandi:
Í Framsveitinni er: Lengja - áður Græna - svæðið, Götuprýði áður Gula - svæðið Götuhús áður Appelsínugula - svæðið Snarræði áður Hvíta - svæði
Í Útsveitinni er: Neshús - Föndurstofa Svanskáli - Salurinn Sigurhæðir - könnunarleiksherbergi. Gilið - þar sem yngstu börnin eru. Foss fremri hvíld Hlíð innri hvíldin
Önnur nöfn í leikskólanum Styttingsnes - Fataherbergi Hlein- Snyrting í Styttingsnesi Búðir - Geymsla í Styttingsnesi Vík -Snyrting í Framsveit Partur - Snyrting í Útsveit Barð - Geymsla Vatnsborg - Þvottahús Bjarg - Eldhús Íshúsið - Búr
Framnes - Starfsmannaálma Jaðar - Sérkennsluherbergi Kattarsnagi -Starfsmannainngangur Garðsendi - skrifstofa leikskólastjóra Þinghúsið - Vinnuherbergi kennara Gálutröð - Kaffistofa starfsmanna Vinaminni -Viðtalsherbergi/skrifsstofa aðstoðarleikskólastjóra Krókur -Gangur Pumpa - Snyrting starfsmanna Útisvæði Steinahlíð - Leikfangaskúr Sjónarhóll - Hóllinn Sóleyjardalur - Efra Svæðið Torfabót - Neðra Svæðið Garðshorn - Kartöflugarður - Goðagangur - Gangstígur (stétt meðfram húsi) Gildrutangi - Bílastæði Þetta eru gömul nöfn á bæjum í sveitinni, húsum í bænum og örnefni í sveitinni. Og við vitum að það tekur tíma fyrir okkur öll að temja okkur að nota þau nýju. En með því að aðstoða hvert annað ætti það að ganga vel.
FerlimöppurFerlimappan á að stuðla að því :
Lýsing á verkefninu Ég og leikskólinn minn er verkefni þar sem útbúnar eru ferlimöppur fyrir hvern nemanda. Nemandinn fær ferlimöppu þegar hann byrjar í leikskólanum. Ferlimappan er geymd í leikskólanum í læstum skáp. Foreldrar fá möppurnar heim í september, janúar og apríl, en geta fengið hana á öðrum tímum eða skoðað hana í leikskólanum þegar þeir vilja. Ferlimappan fylgir barninu í gegnum leikskólanámið og í hana eru settar ýmsar upplýsingar um þroska barnsins. Skráðar eru niður athuganir á barninu í leik og starfi. En þar eru gerðar kannanir á almennri þekkingu barnsins, málþroska, hreyfiþroska og félagsþroska. Skráðar eru niður upplýsingar um barnið og teknar myndir í leik og starfi. Upplýsingar frá sérfræðingum v/sérkennslu eru settar í möppurnar. Inn í ferlimöppurnar er settar upplýsingar um þroska barna á hverju tímabili þ.e eitt skólaár í senn. Upplýsingar ferlimöppunni eru skráðar niður fyrir foreldraviðtal sem er í apríl og eru þær upplýsingar hafðar í ferlimöppunni. Með því að halda ferlimöppu fyrir hvern nemanda eiga leikskólakennarar auðveldara með að halda utan um þroska og skólagöngu hans í leikskólanum. Ferlimappan gefur foreldrum kost á því að geta fylgst með þroska og skólagöngu barnsins. Samskipti við heimili eflast þar sem foreldri getur gengið að upplýsingum um barn sitt í leikskólanum og er allt skráð á einn stað. Með því að halda ferlimöppu fyrir hvert barn er auðveldara að gera ráðstafanir ef um þroskafrávik er að ræða. Þegar nemandinn útskrifast frá leikskólanum fær hann möppuna og eru upplýsingar um leikskólagönguna skráðar þar.
Foreldrasamstarf - Samvinna Leikskólinn er lögum samkvæmt fyrsta skólastigið í menntakerfinu og annast að ósk foreldra nám og kennslu barna á leikskólaaldri. Foreldrar bera meginábyrgð á uppeldi barna sinna, en leikskólanám er viðbót við uppeldi foreldra, en er á engan hátt ætlað að koma í stað þess. Á þessum grundvallaratriðum byggist foreldrasamvinna. Mikilvægt er að foreldrar þekki kennara barnsins og annað starfsfólk leikskólans og samskiptin byggist á gagnkvæmri virðingu og trausti. Markmiðið með foreldrasamstarfi er
Meginhlutverk leikskóla felst í því að veita börnum leikskólamenntun, en jafnframt er leitast við að koma til móts við óskir foreldra svo framarlega sem það komi ekki niður á gæðum á starfi leikskólans, aðbúnaði og umönnun barnanna. Dagleg samskipti og upplýsingastreymi eru mikilvægir þættir til að stuðla að jákvæðu og traustu sambandi á milli foreldra og leikskóla. Að hausti er gefin út útdráttur úr námskrá leikskólans þar sem helstu atriði úr starfinu eru kynnt. Í september og janúar er gefið út skóladagatal yfir starfsemi leikskólans sem foreldrar fá afhent. Fyrir hvern mánuð er send út stundarskrá þar sem helstu atriði starfsins koma fram.
Trúnaður - tilkynningarskylda Leikskólinn leggur áherslu á að fullur trúnaður ríki um allar upplýsingar er varða börnin og foreldra þeirra. Hverjum starfsmanni er skylt að gæta þagmælsku um atriði er hann fær vitneskju um í starfi sínu. Allt starfsfólk leikskóla undirritar sérstakt þagnarheit sem helst þó látið sé af starfi. Ef leikskólakennarar telja að líkamlegum og/eða andlegum þörfum barns sé ekki sinnt ber að tilkynna það barnaverndaryfirvöldum sbr. 13.gr. laga um málefni barna og ungmenna.
ForeldrasamtölDeildarstjórar og/eða leikskólakennarar veita foreldrum einkasamtal að hausti og að vori. Að hausti er farið yfir skipulagið á starfinu. Kennari upplýsir foreldra um stöðu og líðan barnsins í leikskólanum, hann byggir upplýsingar sínar um barnið á athugunum á færni þess og þroska í leik og starfi í barnahópnum. Í viðtalinu fá foreldrar afhenta ferlimöppuna. Í foreldraviðtölum gefst foreldrum tækifæri til að spyrja spurninga og veita upplýsingar um barnið. Í viðtali að vori eru foreldrar elsta árgangsins beðnir um að skrifa undir ef þeir samþykkja að upplýsingar um barnið fari í grunnskólann. Einnig geta foreldrar beðið um viðtal þess fyrir utan ef þeir vilja ræða um barn sitt.
Foreldrafundir Foreldrafundir eru haldnir í janúar og er þá skipt eftir deildum. Á foreldrafundum eru gefnar margvíslegar upplýsingar um leikskólastarfið. Skólanámskrá leikskólans og aðrar áætlanir eru kynntar og ræddar og skipst er á skoðunum um leikskólauppeldi og þátttöku foreldra í leikskólastarfinu.
Foreldrafélag Foreldrafélag er starfandi við leikskólann. Verkefni foreldrafélaga eru margvísleg og geta félögin stutt mjög vel við starfið í leikskólunum og því er það hagur hvers leikskóla að við hann starfi öflugt og virkt foreldrafélag. Foreldrar gerast sjálfkrafa meðlimir í foreldrafélaginu og er árgjald greitt einu sinni á ári. Foreldrar eru hvattir til að taka virkan þátt í starfi foreldrafélagsins. Aðalfundur foreldrafélagsins er haldinn að hausti. Stjórnina skipa foreldrar fjögurra nemenda. Einir foreldar úr síðustu stjórn halda áfram með nýrri stjórn þannig að valdir eru foreldrar þriggja nemenda. Fráfarandi stjórn kemur með tillögu að næstu stjórn á aðalfundi. Einn fulltrúi úr hópi starfsmanna leikskólans starfar með stjórninni og er tengiliður við leikskólann.
Foreldrafélagið sér um ýmsa atburði yfir skólaárið og er það á valdi hverrar stjórnar að sjá um hvað er í boði. Fastir liðir sem foreldrafélagið gerir í samvinnu við leikskólann eru:
Árið 2002 sá foreldrafélagið um jólatrésskemmtun í samkomuhúsinu fyrir öll börn í Grundarfirði.
Mat á leikskólastarfi Innra gæðamat Samkvæmt reglugerð ber leikskóla að móta aðferðir til að meta uppeldisstarfið, stjórnunarhætti, samskipti innan leikskólans og tengsl við aðila utan hans. Í leikskólanum er Ecers kvarðinn notaður við matið, og tekur hann til allra þátta í leikskólastarfinu. Matið er framkvæmt í janúar lesið er úr niðurstöðum og deildarnar fara yfir og sjá hvar og hvað þær geta bætt sig í starfinu. Leikskólastarfið er í stanslausu endurmati. Námskrá er gott tæki til að meta starfið. Það er farið í gegnum námskrána og séð hvort unnið er eftir henni. Starfsmannafundir sem haldnir eru einu sinni í mánuði, hvor deild fundar á þriggja vikna fresti, fagfólk leikskólans fundar einu sinni í mánuði, deildarstjórafundur einu sinni í mánuði. En á þessum fundum er starfið rætt og athugað hvað er hægt að gera betur.. Umhverfisnefndarfundir eru einu sinni í mánuði en umhverfisnefnd er skipuð aðstoðarleikskólastjóra, matráði, deildarstjórum, leikskólaliða og foreldri. Umhverfisnefnd metur umhverfisstarfið og kemur með ábendingar um það sem betur má fara og eins það sem vel er gert Á hverju ári eru foreldrar fengnir til að meta einhvern hluta úr starfinu.
Samstarf Leikskólinn hefur samvinnu við ýmsa aðila. Mikilvægt er að þessi samvinna byggi á gagnkvæmri virðingu og trausti. Hér er átt við tónlistarskóla, grunnskóla, bókasafn, heilsugæslu, slökkvilið og Félags- og Skólaþjónustuna og aðra leikskóla á Snæfellsnesi. Þá er einnig samstarf og tengsl við vinnustaði í bæjarfélaginu sem byggist á því að fara í vinnustaðaheimsóknir. Samvinna við grunnskóla er mikilvægur þáttur í leikskólastarfinu. Samvinna á milli grunnskóla og leikskóla hefur það að markmiði að auðvelda barni að flytjast milli skólastiga og að samfella og stígandi skapist í námi og starfi barnsins. Upplýsingar um hreyfiþroskatölu, útkomu í málþroskaprófinu Hljóm 2 og grunnupplýsingar um barnið fara til grunnskóla ef foreldrar samþykkja.
Samstarf Leikskóla og Grunnskóla er eftirfarandi: Að hausti funda leikskólastjóri, kennari elstu barna, skólastjóri grunnskóla, sérkennari grunnskóla og kennari 1. bekkjar og samstarf vetrarins er sett niður.
Yfir veturinn er fundað reglulega um samstarfið, það metið og síðan breytt og bætt eftir þörfum. Samstarf við Heilsugæslustöðina Samstarf við heilsugæslustöð er eftirfarandi. Upplýsingar koma frá heilsugæslustöð eftir 3 ½ árs skoðun barna. Fyrir fimm ára skoðun gerum við lauslegt mat á börnunum og látum við hreyfitölur úr hreyfiþroskaprófi fylgja. Samráð er haft ef barn þarf að fara í áframhaldandi mat. Ekki er haft samráð við heilsugæslustöð nema með samþykki foreldra. Foreldrar eru beðnir um samþykki í byrjun leikskólagöngu barnsins. Samstarf við Bókasafn Grundarfjarðar er á þann hátt að elsti hópurinn fer í heimsóknir á safnið sex sinnum yfir veturinn og kynnist því hvernig hægt er að nota safnið. Samstarf við tónlistarskóla er á þann hátt að tveir elstu árgangarnir fara tvisvar að vetri í heimsókn í tónlistarskólann. Á jólaball leikskólans koma nemendur úr tónlistarskólanum og spila. Samstarf við slökkviliðið: Leikskólinn og slökkviliðið hafa undirritað samkomulag um að taka höndum saman um að auka öryggi barnanna og starfsfólksins með öflugu eldvareftirliti og fræðslu. Þetta er verkefnið „Eldvarnir í leikskólanum Logi og Glóð". Hlutverk slökkviliðsins: Slökkviliðið heimsækir leikskólann tvisvar á ári hverju. Annars vegar til að skoða hvernig eldvörnum er háttað og ráðleggja um úrbætur. Hins vegar til þess að ræða við elstu börnin um eldvarnir. Slökkviliðið leggur til allt fræðsluefni í þessu sambandi. Leikskólastjóri fær í hendur möppu með upplýsingum um eldvarnareftilit og rýmingu. Elstu börnin á leikskólanum fá möppu frá slökkviliðinu með verkefnum sem tengjast eldvörnum. Í möppunni eru einnig upplýsingar um eldvarnir heimilanna og taka börnin hana því með sér heim og sýna foreldrum og forráðamönnum. Hlutverk leikskólans. Leikskólinn tekur á móti fulltrúum slökkviliðsins og gefur sér nauðsynlegan tíma í þessar heimsóknir og verkefni sem tengjast þeim. Leikskólinn setur sér það markmið að hafa eldvarnir ævinlega í lagi og í því skyni aðgætir hann helstu atriði eldvara mánaðarlega samkvæmt gátlista sem slökkviliðið lætur í té. Ennfremur skuldbindur leikskólinn sig til þess að gera rýmingaráætlun og halda rýmingaræfingu árlega samkvæmt leiðbeiningum frá slökkviliðinu.
Rýmingaráætlun Leikskólans Ef brunaviðvörunarkerfi gefur viðvörun er unnið eftir eftirfarandi áætlun:
Flóttaleiðir skulu vera í tvær gagnstæðar áttir og björgunarop á hverri stofu. Útgönguleiðir ef ekki er hægt að fara um STYTTINGSNES (fatah.) eru: Í ÚTSVEIT (Músa): BJARG/ÍSHÚSIÐ (eldhús/búr), KATTARSNAGI (starfsmannainng.) og lausafög í gluggum. Í FRAMSVEIT (Dreka) hurð út í GARÐSHORN (kartöflug.) og taka stól og brjóta næstu rúðu. Í FRAMNESI (starfsmannaálmu): STYTTINGSNES og lausafög. Í VATNSBORG(þvottah.) KATTARSNAGI, BJARG/ÍSHÚS og lausafög. Í BJARGI/ÍSHÚSI út um hurð á ÍSHÚSI, taka með sér lykil að Samkomuhúsi.
Skóladagatal Skóladagatal er unnin fyrir hvert leikskólaár og gildir það frá 1. september að sumarlokun. Helstu þættir starfsins eru færðir inn á sérstakt eyðublað sem dreift er til foreldra.
Ýmsar hagnýtar upplýsingar Þegar börnin verða veik eru foreldrar vinsamlegast beðnir um að láta okkur vita. Það er bæði mikilvægt vegna starfseminnar og einnig til að við getum látið aðra vita ef um smitandi sjúkdóma er að ræða. Ekki er hægt að taka við veikum börnum í leikskólanum. Ef börnin verða veik í leikskólanum hringjum við strax í foreldra og látum vita og foreldrar eru beðnir um að sækja barnið. Til að fyrirbyggja að barni slái niður eftir veikindi er æskilegt að það dvelji hitalaust heima einn dag til viðbótar. Eftir veikindi er foreldrum heimilt að hafa börnin undanskilin útiveru í einn dag. Ef óskað er eftir lengri inniveru eftir veikindi þarf að koma umsögn frá lækni. Ef barn er búið að vera veikt í fjórar vikur samfleytt er hægt er að sækja um niðurfellingu á leikskólagjaldi á þar til gerðu umsóknareyðublaði hjá leikskólastjóra. Lyf Ef börnin þurfa að taka lyf samkvæmt læknisráði eru foreldrar beðnir um að láta lækninn vita að barnið sé í leikskóla svo hægt sé að haga skömmtum þannig að sem minnst sé um að kennarar þurfi að sinna lyfjagjöfum. Ef það þarf að gefa lyf í leikskólanum þá er það deildarstjóri sem ber ábyrgð á því. Slys - óhöpp Ef barn slasast í leikskólanum er strax haft samband við foreldra. Ef um alvarlegt slys er að ræða og ekki næst í foreldra er farið með barnið á heilsugæsluna. Öll slys sem verða í leikskólanum eru skráð á eyðublöð vegna seinni tíma í sambandi við tryggingar. Börn í leikskólanum Sólvöllum eru slysatryggð hjá VÍS á meðan þau dvelja í leikskólanum. Sjálfsábyrgð foreldra er kr. 12.000. Upplýsingar um skilmálanna er hægt að fá hjá Vátryggingafélagi Íslands. Sumarleyfi Leikskólinn lokar í fimm vikur á hverju sumri (2008 í 6 vikur). Reynt er að koma til móts við foreldra með skoðunarkönnun sem gerð er í janúar/febrúar og einnig er tekið tillit til óska starfsmanna. Skipulagsdagar Á hverju skólaári eru þrír skipulagsdagar í leikskólanum. Þeir eru fyrsta virka dag á nýju ári og einn dagur í ágúst. Einn dagur ekki dagsettur en tekinn þegar þörf er á. Þessa daga nota kennarar í að skipuleggja og undirbúa starfið. Einnig er námskeiðsdagur í október og er leikskólinn þá lokaður.
Við hvern leikskóla skal vera leikskólastjóri sem stjórnar starfi leikskólans í umboði rekstraraðila eftir því sem nánar segir í lögum og reglugerðum. Leikskólastjóri og það starfslið er annast uppeldi og menntun barna skal hafa menntun leikskólakennara. Heimilt er að starfsfólk án leikskólakennaramenntunar taki þátt í að annast uppeldi og menntun barna undir stjórn leikskólakennara, enda fáist ekki leikskólakennari til starfsins. Nánar er kveðið á um leiðbeiningar- og stjórnunarhlutverk leikskólakennara í reglugerð.
Leikskólastjóri er yfirmaður leikskóla og ber faglega og rekstarlega ábyrgð á starfi leikskólans í samræmi við lög þessi. Aðstoðarleikskólastjóri er staðgengill leikskólastjóra að honum fjarverandi og er honum til ráðuneytis um tilhögun innan skólans. Deildarstjóri ber ábyrgð á uppeldisstarfinu og barnahópnum á sinni deild. Hann ber einnig ábyrgð á foreldrasamstarfi á deildinni. Leikskólakennarar og leiðbeinendur vinna í samstarfi við deildarstjóra að uppeldisstarfinu á deildinni. Matráður í eldhúsi sér um að elda matinn, gerð matseðla og innkaup á matvöru fyrir leikskólann. Leikskólaliðar sjá um að halda leikskólanum hreinum. Leikskólastjóri skal halda reglulega fundi með starfsfólki um starfsemi leikskólans og velferð hvers barns. Nánar skal kveðið á um leiðbeiningar- og stjórnunarhlutverk leikskólakennara í starfslýsingu Félags leikskólakennar og Samband íslenskra sveitarfélaga Starfsmannaviðtöl
Þau eru haldin eins oft og leikskólastjóra og/eða starfsmanni þykir nauðsynleg en þó í það minnsta einu sinni á ári. Starfsmannaviðtöl ganga út á að leikskólastjóri og starfsmaður setjast niður og ræða frammistöðu beggja aðila. Í samtalinu er tekið á þáttum eins og upplifun og líðan starfsmannsins í vinnunni, starfsánægju, stjórnun, starfið sjálft, samskipti, hugmyndir og óskir starfsmanns um símenntun. Viðtalinu er ætlað að vera uppbyggilegt og fela í sér gagnkvæma umræðu. Það á að nýtjast öllum sem að koma og kemur aðeins að notum ef báðir aðilar sjá sér hag í því.
Starfsmannastefna Leikskólans Sólvalla: Mikilvægast er að :
Endur- og símenntunaráætlun fyrir starfsárið Samkvæmt kjarasamningi Launanefndar sveitarfélaga við leikskólakennara og ófaglærðs starfsfólks í leikskólum er ákvæði sem segir að í hverjum leikskóla skuli gera símenntunaráætlanir sem staðfestar eru af leikskólanefnd eða sveitarstjórn Þessi vinna skal unnin undir forystu leikskólastjóra/forstöðumanns. Þátttaka í símenntunaráætlun veitir hækkun í launaflokkaröðun og leikskólastjóra ber að votta þátttöku leikskólakennara/starfsmanns í áætluninni. Skilgreina verður þarfir og aðstæður hvers leikskóla fyrir sig og hafa leikskólar á Snæfellsnesi reynt að hafa samstarf um námskeiðshald. Huga verður að því að þau námskeið sem haldin eru stuðli að bættum leikskóla og þeim áherslum sem þar eru lagðar.
Áfallahjálp í Leikskólanum Sólvöllum Andlegum áföllum barns er sinnt eins og best verður við komið hverju sinni. Andleg skyndihjálp Markmið.
Verklagsregla um andlega skyndihjálp. Tilgangur og afmörkun:
Ábyrgð: Áfallahjálparteymi Grundarfjarðar Í áfallahjálparteymi Grundarfjarðar er hjúkrunarfræðingur, prestur og lögregla. Ef eitthvað kemur fyrir sem tengist leikskólanemendum eða starfsmönnum er leikskólastjóri kallaður inn í teymið. Áfallahjálparteymi leikskólastjóra Ef áfallið tengist leikskólastjóra eða aðstoðarleikskólastjóra, er hægt að hafa samband við leikskólastjóra í Stykkishólmi eð Snæfellsbæ og hann getur komið og veitt stuðning eða handleiðslu. Verklag: Allir starfsmenn leikskólans fái námskeið/fræðslufund um sorg/sorgarviðbrögð fjórða hvert ár. Stjórnendur skulu leita aðstoðar til prests ef þörf þykir. Tilvísanir: Vinnulýsing Mikilvægt er að daglegar venjur haldist og breytingar verði sem minnstar
Gagnvart starfsmönnum Mikilvægt er að starfsmenn ræði sín á milli um andlega skyndihjálp og um það hver treystir sér til þess að segja foreldrum og börnum frá sorglegum atburðum. Ef til vill er það misjafnt eftir því hvað hefur gerst og þarf einnig að ræða það hverju sinni. Að öllu jöfnu eru það leikskólastjóri, aðstoðarleikskólastjóri sem tilkynnir atburðinn. Mikilvægt er að allir starfsmenn leikskólans geri sér grein fyrir því að starfsmaður/barn eða foreldri sem hefur orðið fyrir sorg þarf langan tíma til að jafna sig og við sýnum tilfinningum hans virðingu. Munum að fólk tekur áföllum á mismunandi hátt, það sem er mikið áfall fyrir einn getur verið mun léttara fyrir annan. Gagnvart foreldrum Við látum foreldra vita ef andlát verður sem tengist einhverjum í leikskólanum náið og segjum foreldrum að við komum til með að segja börnunum frá andlátinu. Ekki er nauðsynlegt að láta aðra foreldra vita um andlát ef það eru ekki alveg í nánasta umhverfi barnsins. Gagnvart börnum Meta þarf út frá aldri og þroska barna og eins hversu mikið þau þekkja til hvað og hverjum er sagt frá. Munum að ganga ekki of langt, segja hlutina á einfaldan hátt og oftast eru útskýringar óþarfar. Viðkomandi er dáinn og það er sorglegt. Kyrrðarstund(kveikja á kerti og eiga notalega stund saman) inni á deildum þegar öll börnin eru komin. Deildarstjórar sjá um að þetta sé gert. Þar er öllum börnunum sagt frá andlátinu. Einnig segjum við börnunum frá því ef starfsmaður hefur verið að missa maka sinn eða barn, en bara börnum sem þekkja til. Vinnulýsing fyrir stjórnendur Ef starfsmaður verður fyrir áfalli þarf að meta það í hverju tilviki fyrir sig hvenær hann treystir sér til þess að koma aftur til vinnu. Ef hann treystir sér ekki til að koma í langan tíma þá má t.d. bjóða honum í heimsókn þar sem það getur oft verið erfitt fyrir fólk sem hefur orðið fyrir áfalli að hitta samstarfsmenn sína. Mikilvægt er að leikskólastjóri viti um réttindi starfsmanns sem hefur orðið fyrir missi. Nauðsynlegt er að engin pressa sé á starfsmanninn að mæta sem fyrst til vinnu. Stjórnendur þurfa að skoða með starfsmanninum hversu langt veikindafrí hann á. Hafa myndir af barninu og persónulega hluti uppi í einhvern tíma eftir andlát þess. Láta myndina af barninu vera áfram í hólfi barnsins og láta það standa autt í smá tíma, u.þ.b. ½ mánuð. Mynd af barninu er höfð upp á vegg á meðan árgangur barnsins er í Leikskólaum. Einnig er hún látin vera ef systkini viðkomandi barns er í leikskólanum. Börnin á deild barnsins geta t.d. teiknað mynd til minningar um látna barnið, útbúinn verði staður þar sem allar myndirnar hanga uppi í u.þ.b. 2 vikur. Síðan eru þær teknar niður og leikskólastjóri/ aðstoðarleikskólastjóri fara með þær og annað sem barnið á í leikskólanum til foreldranna. Ýmis áföll Það eru ótalmargir þættir í okkar daglega lífi sem hafa áhrif á tilfinningalíf okkar. Veikindi, skilnaður, fjárhagsáhyggjur, nýtt barn, erfiðleikar ýmis konar innan fjölskyldunnar, allt þetta snertir líf okkar. Láta alla starfsmenn á deildinni vita ef foreldrar eru að skilja/eða eiga í einhverjum öðrum erfiðleikum. Að starfsmenn séu vakandi og tilbúnir að ræða við barnið ef það vill tjá sig. Alls ekki þrýsta á barnið. Lokaorð Hver leikskóli gerir sér sína skólanámskrá. Skólanámskráin á að gera starfið sýnilegt og veita yfirsýn yfir allar forsendur í starfi leikskólans. Foreldrar eiga auðveldara með að vita hvað starfið gengur út á og hvernig það er unnið. Við vonum að með lestri á skólanámskránni fái foreldrar svör við því hvað barnið þeirra er að gera í leikskólanum. Námskráin veitir starfsmönnum betri heildarsýn yfir uppeldisstarfið og einnig er auðveldara fyrir nýliða að vita út á hvað leikskólastarf gengur. Einnig styrkir það starfsmenn að geta vitnað í skólanámskránna til að útskýra starf sitt. Námskráin er endurskoðuð reglulega mun hún þróast til að gott starf verði betra. Við höfum sem lokaorð okkar þessi góðu gullkorn til um aldur og leik, það er „við hættum ekki að leika okkur af því við verðum gömul, við verðum gömul af því að við hættum að leika okkur ".
Námsskráin
|
Myndir úr skólastarfinu
Gullkorn
MINNISATRIÐI FRÁ BARNINU ÞÍNU
Það besta sem þú eyðir í barnið þitt er tími!
Á döfinni
Enn frestast sveitaferðin vegna veðurs en hún verður auglýst um leið og tekin verður ákvörðun um dag sem hentar.
Þá er útskriftarferð elstu nemenda leikskólans líka á bið vegna veðurs.
7.júní: Hatta-húfu-og sólgleraugnadagur.
12.júní: þá stefnum við á að halda sumarhátíð....ef veður leyfir :)
17.júní: leikskólinn lokaður
19.júní: Bleikur dagur
3.júlí: Síðasti dagur fyrir sumarfrí.
Tilkynningar
Sumarlokun leikskólans !!!!
Leikskólinn lokar kl:14:00 3. júlí og opnar aftur kl:10:00 8. ágúst.
Stundarskrár fyrir júní eru komnar inn á heimasíðuna og hafa verið sendar heim í tölvupósti.
Joomla! is Free Software released under the GNU General Public License.
